Tot den Leser

Tot den Leser,
Den Schat der Armen wort hier open gedaen,
Die langhen tijdt heeft ghesloten ghestaen,
Want hier worden ontdeckt veel secreten,
Die waerdigh zijn om te weten,
Eerst hoemen de ghesondtheydt sal onderhouden best,
Oft verloren hebbende men sal wederom krijghen in ’t lest.
Die Anatomie wordt hier oock beschreven,
Hoe een mensche gestelt is naer ’t leven,
Met de namen der sieckten ende oorsake van dien,
Ende hoemen de sieckten sal kennen t’ water besien
Die crachten der Cruyden met heur namen,
Aptekers Medicamenten daer by te samen,
Dienende voor jonghe Barbiers en Herbaristen,
Dat sy ’t moghen leeren, oft sy ’t niet en wisten :
Hoemen oock de siecke menschen sal visiteren
En helpen met der daedt, maghmen hier leeren.
Natuerlijcke wetenschap suldy lesen,
Want die sieck is, waer garen ghenesen,
En die ghesondt is soude garen soo langhe blijven.
Dus soude ick gherne een ieghelijck gherijven.
Dit is dan een Fondament om verder te raken :
Die de kerne wilt eten, moet de note craken.
In’t leste salmen hier leeren van Godt verwerven
Een eerlijck leven en daer naer een saligh sterven.

Den

vorige pagina

index